תנ"ך על הפרק
ירמיה כד
הִרְאַנִי֮ יְהוָה֒ וְהִנֵּ֗ה שְׁנֵי֙ דּוּדָאֵ֣י תְאֵנִ֔ים מוּעָדִ֕ים לִפְנֵ֖י הֵיכַ֣ל יְהוָ֑ה אַחֲרֵ֣י הַגְל֣וֹת נְבוּכַדְרֶאצַּ֣ר מֶֽלֶךְ־בָּבֶ֡ל אֶת־יְכָנְיָ֣הוּ בֶן־יְהוֹיָקִ֣ים מֶֽלֶךְ־יְהוּדָה֩ וְאֶת־שָׂרֵ֨י יְהוּדָ֜ה וְאֶת־הֶחָרָ֤שׁ וְאֶת־הַמַּסְגֵּר֙ מִיר֣וּשָׁלִַ֔ם וַיְבִאֵ֖ם בָּבֶֽל׃הַדּ֣וּד אֶחָ֗ד תְּאֵנִים֙ טֹב֣וֹת מְאֹ֔ד כִּתְאֵנֵ֖י הַבַּכֻּר֑וֹת וְהַדּ֣וּד אֶחָ֗ד תְּאֵנִים֙ רָע֣וֹת מְאֹ֔ד אֲשֶׁ֥ר לֹא־תֵֽאָכַ֖לְנָה מֵרֹֽעַ׃וַיֹּ֨אמֶר יְהוָ֜ה אֵלַ֗י מָֽה־אַתָּ֤ה רֹאֶה֙ יִרְמְיָ֔הוּ וָאֹמַ֖ר תְּאֵנִ֑ים הַתְּאֵנִ֤ים הַטֹּבוֹת֙ טֹב֣וֹת מְאֹ֔ד וְהָֽרָעוֹת֙ רָע֣וֹת מְאֹ֔ד אֲשֶׁ֥ר לֹא־תֵאָכַ֖לְנָה מֵרֹֽעַ׃וַיְהִ֥י דְבַר־יְהוָ֖ה אֵלַ֥י לֵאמֹֽר׃כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥ים הַטֹּב֖וֹת הָאֵ֑לֶּה כֵּֽן־אַכִּ֞יר אֶת־גָּל֣וּת יְהוּדָ֗ה אֲשֶׁ֨ר שִׁלַּ֜חְתִּי מִן־הַמָּק֥וֹם הַזֶּ֛ה אֶ֥רֶץ כַּשְׂדִּ֖ים לְטוֹבָֽה׃וְשַׂמְתִּ֨י עֵינִ֤י עֲלֵיהֶם֙ לְטוֹבָ֔ה וַהֲשִׁבֹתִ֖ים עַל־הָאָ֣רֶץ הַזֹּ֑את וּבְנִיתִים֙ וְלֹ֣א אֶהֱרֹ֔ס וּנְטַעְתִּ֖ים וְלֹ֥א אֶתּֽוֹשׁ׃וְנָתַתִּי֩ לָהֶ֨ם לֵ֜ב לָדַ֣עַת אֹתִ֗י כִּ֚י אֲנִ֣י יְהוָ֔ה וְהָיוּ־לִ֣י לְעָ֔ם וְאָ֣נֹכִ֔י אֶהְיֶ֥ה לָהֶ֖ם לֵאלֹהִ֑ים כִּֽי־יָשֻׁ֥בוּ אֵלַ֖י בְּכָל־לִבָּֽם׃וְכַתְּאֵנִים֙ הָֽרָע֔וֹת אֲשֶׁ֥ר לֹא־תֵאָכַ֖לְנָה מֵרֹ֑עַ כִּי־כֹ֣ה ׀ אָמַ֣ר יְהוָ֗ה כֵּ֣ן אֶ֠תֵּן אֶת־צִדְקִיָּ֨הוּ מֶֽלֶךְ־יְהוּדָ֤ה וְאֶת־שָׂרָיו֙ וְאֵ֣ת ׀ שְׁאֵרִ֣ית יְרוּשָׁלִַ֗ם הַנִּשְׁאָרִים֙ בָּאָ֣רֶץ הַזֹּ֔את וְהַיֹּשְׁבִ֖ים בְּאֶ֥רֶץ מִצְרָֽיִם׃וּנְתַתִּים֙לזועהלְזַעֲוָ֣הלְרָעָ֔ה לְכֹ֖ל מַמְלְכ֣וֹת הָאָ֑רֶץ לְחֶרְפָּ֤ה וּלְמָשָׁל֙ לִשְׁנִינָ֣ה וְלִקְלָלָ֔ה בְּכָל־הַמְּקֹמ֖וֹת אֲשֶֽׁר־אַדִּיחֵ֥ם שָֽׁם׃וְשִׁלַּ֣חְתִּי בָ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶר עַד־תֻּמָּם֙ מֵעַ֣ל הָאֲדָמָ֔ה אֲשֶׁר־נָתַ֥תִּי לָהֶ֖ם וְלַאֲבוֹתֵיהֶֽם׃
פירוש על הפרק
אַחְזְיַנִי יְיָ וְהָא תְּרֵין סַלֵי תֵינִין מַחֲתִין מִקָדָם הֵיכְלָא דַייָ בָּתַר דְאַגְלֵי נְבוּכַדְרֶצַר מַלְכָּא דְבָבֶל יַת יְכָנְיָה בַר יְהוֹיָקִים מְלַךְ שִׁבְטָא דְבֵית יְהוּדָה וְיַת רַבְרְבֵי יְהוּדָה וְיַת אוּמָנַיָא וְיַת תַּרְעֲיָא מִירוּשְׁלֵם וְאוֹבֵילִינוּן לְבָבֶל:סִלָא הֲדָא תֵינִין טָבָא לַחֲדָא כְּתֵינִין בַּכִּירִין וְסַלָא חַד תֵּינִין בִּישִׁין לַחֲדָא (וּדְבִישִׁין בִּישִׁין לַחֲדָא) דְלָא מִתְאַכְלִין מִבִּישׁוּ:וַאֲמַר יְיָ לִי מָה אַתְּ חָזֵי יִרְמְיָה וַאֲמָרִית תֵּינִין תֵּינַיָא טָבְתָא טָבָן לַחֲדָא וּדְבִישִׁין בִּישִׁין לַחֲדָא דְלָא מִתְאַכְלִין מִבִּישׁוּ:וַהֲוָה פִּתְגַם נְבוּאָה מִקָדָם יְיָ עִמִי לְמֵימָר:כִּדְנַן אֲמַר יְיָ אֱלָהָא דְיִשְׂרָאֵל כְּתֵינַיָא טָבָתָא הָאִלֵין כֵּן אִשְׁתְּמוֹדַע יַת גַלְוַת יְהוּדָה דְאַגְלֵיתִי מִן אַתְרָא הָדֵין לַאֲרַע כַּסְדָאֵי לְטָבְתָא:וַאֲשַׁוֵי מֵימְרֵי עֲלֵיהוֹן לְטָבָא וַאֲתֵיבִינוּן לַאֲרַע הָדָא וְאֶבְנִינוּן וְלָא אֲפַגֵר וַאֲקִימִינוּן וְלָא אֶטַלְטֵל:וְאֶתֵּן לְהוֹן לֵב לְמִידַע דְחֵלְתִּי אֲרֵי אֲנָא יְיָ וִיהוֹן קֳדָמַי לְעַם וַאֲנָא אֶהֱוֵי לְהוֹן לֶאֱלָהּ אֲרֵי יְתוּבוּן לְפוּלְחָנִי בְּכָל לִבְּהוֹן:וּכְתֵינַיָא בִּישְׁתָא דְלָא מִתְאַכְלָא מִבִּישׁוּ אֲרֵי כִדְנַן אֲמַר יְיָ כֵּן אֶתֵּן יַת צִדְקִיָהוּ מְלַךְ שִׁבְטָא דְבֵית יְהוּדָה וְיַת רַבְרְבוֹהִי וְיַת שְׁאָרָא דִירוּשְׁלֵם דְאִשְׁתְּאָרוּ בְּאַרְעָא הָדָא וּדְיַתְבִין בְּאַרְעָא דְמִצְרָיִם:וְאֶתְּנִינוּן לְזִיעַ וּלְבִישָׁא לְכָל מַלְכְּוַת אַרְעָא לְחִיסוּדִין וְלִמְתַל וּלְשׁוֹעִי וְלִלְוָטָא בְּכָל אַתְרַיָא דְאַגְלִינוּן לְתַמָן:וֶאֱגָרֵי בְהוֹן יַת דְקַטְלִין בְּחַרְבָּא בְּכַפְנָא וּבְמוֹתָא עַד דִיסוּפוּן מֵעַל אַרְעָא דִיהָבֵית לְהוֹן וְלַאֲבָהַתְהוֹן:
תוכן עניינים
ניווט בפרקי התנ"ך
